बिंदायक जी की कहानी (Bindaayak Ji ki kahani)

Bindayak Ji Katha, Vrat Katha

एक छोटो सो छोरो आपका घरां से लड़ कर निकलगो और बोल्यो कि आज तो बिन्दायकजी स मिलकर ही घरां पाछो जाऊँगा । छोरो जातो-जातो बावनी-उजाड़ म चल्यो गयो । बिन्दायकजी सोच्या कि यो मेर नाम से घर स निकल्यो है, सो ई न घरां पाछो नहीं भेजागां, तो बाघ-बघेरा खा-जासी।

बिन्दायकजी बोल्या कि म ही बिन्दायकजी हूँ, त न के चाहे है, सो मांग ले, पर एक ही बार म मांगिये। छोरो बोल्यो कि-काई मांगू बापूजी-ढोलो हिंगराज को–पूछो गजराज को- दाल, भात, गींवा का फलका – ऊपर ढबसो खांड़ को-परोसन वाली इसी मांगू-जा न फूल गुलाब की ।

बिन्दायकजी बोल्या की छोरा तू तो सब कुछ मांग लियो पण जा अईयां ही हो जासी। छोरो घरां म आयो देख, तो एक छोटी सी बीननी पीड़ा पर बैठी है और घर म भोत धन हो रयो है। छोरो आपकी माँ न बोल्यो कि माँ देख म विन्दायकजी स मांग क कितनो धन ल्यायो हूँ। माँ खूब राजी होगी। हे बिन्दायकजी महाराज ? जिसो बी छोरा न धन दियो, उसो सबन दिये। कहतां न, सुनतां न, आपना सारा परिवार न देईयो |

Ek chhoto se chhoro aapka gharan se lad kar nikal gayo aur bolyo ki aaj to Bindiyaak Ji sa malkar hi gharan paachho jaau. Chhoro jaato jaato baavani-ujaad ma chalyo gayo. Bindiyaak Ji sochya ki yo mero naam se gharan sa nikalyo hai, so ee na gharan paachho nahin bhejaga, to baagh-baghela kha-jaasi.

Bindiyaak Ji bolya ki ma hi Bindiyaak Ji hoon, to na ke chahe hai, so maang le, par ek hi baar ma maangiye. Chhoro bolyo ki-kaai maangu baapuji-dholo hingaraaj ko-poocho gajaraaj ko-daal, bhaat, geenvaa ka phalka – oopar dhabso khaand ko-parosan waali isi maangu-ja na phool gulaab ki.

Bindiyaak Ji bolya ki chhora tu to sab kuch maang liyo pan ja aiyaan hi ho jaasi. Chhoro gharan ma aayo dekh, to ek chhoti si beenni peeda par baithi hai aur gharan ma bhot dhan ho rayo hai. Chhoro aapki maa na bolyo ki maa dekh ma Vindaayak Ji sa maang k kitno dhan lyayo hoon. Maa khoob raaji hogi. He Bindiyaak Ji Maharaj? Jiso be chhora na dhan diyo, uso saban diye. Kahata na, sunata na, aapna saara parivaar na deeiyo.